الفن والترفيه

بالصور.. شقيق ياسمين عبدالعزيز جاب القديم والجديد بعد اعتراف احمد العوضي بحبه لها

شقيق ياسمين عبدالعزيز قام بالرد على شقيقته والفنان أحمد العوضي بعد أن قاموا بنشر من خلال حسابهم الشخصي “إنستجرام” معلقين الثنائي بعضهم البعض “بحبك يا ياسمين”، “بحبك يا أحمد”، وهي من الأشياء التي أشعلت جميع مواقع التواصل الاجتماعي في الساعات القليلة الماضية.

شقيق ياسمين عبدالعزيز يهاجمها هي وأحمد العوضي

قام وائل عبدالعزيز شقيق الفنانة ياسمين عبدالعزيز بمهاجمتها بسبب ما تم إثارته في الآونة الأخيرة عن علاقتها بالفنان أحمد العوضي، وبشكل خاص بعد أن تم نشر صورة لهما سوياً وهم يحتفلون بأخر عيد ميلاد لها، وهاجم شقيقته من خلال حسابه على موقع التواصل الإجتماعي “فيس بوك” وهذا بسبب ظهورها مع العوضي.

قال شقيق ياسمين”بصي يا ياسمين يا عبد العزيز يا أختي.. أنا معاكي وفي ظهرك من وأنتي صغيرة، شيلت مشاكل كتير بسببك من وانتي صغيرة، بداية من مشاكلك مع الشاعر وبرادة وأنتي عارفة، إن أنا أتاذيت فيها إزاي، وقضية الشغالات مؤخراً، غير قضية الضرب اللي كانت بينك وبين بنت هشام سليم والممثلة اللي لبستيها التورتة في وشها”.

واستكمل قائلاً “وقفت جنبك بكل ما أملك من قوة أدافع عنك في كل موقف صعب مر عليكي، ونسيت حياتي، ونفسي عشانك وبقي كل همي أنا ووالدتك، إنك تكبري وتبقي نجمة في مجالك، سبنالك اختيارك كله لنفسك، ووفقنا لك على كل قراراتك، وكنت الوحيد اللي ساندك، ووقفت جنبك في طلاقك”.

أضاف “لكن هنهرتل وتروحي تعرفي واحد أصغر منك بعشر سنوات، و تتصوري صور ملهاش أي لازمة على حساب سمعتنا وسمعتك، لا ومحدش هيسمح من أمتي وإحنا بنعمل أعياد ميلاد وتنزل على السوشيال ميديا.. من أمتي الناس بتجيب في سيرتنا؟ ونقعد نتعاكس على السوشيال ميديا ومع ذلك حياتك وانتي حره فيها”.

ثم استطرد قائلاً “أنا هتكلم على الجزء اللي يخصني أنتي مقاطعة كل العيلة علشان تعملي اللي على مزاجك.. أحنا دلوقتي عايزين نفهم العلاقة دي إيه رايحة على فين.. أما بالنسبة للأخ اللي ماشي وراكي في كل حتة، وشايفك البيضة الذهب إلى هتفقسله كل يوم، وأحب أقولك يا راجل لما تيجي تدخل بيت تدخله من باباه يا راجل وتقعد مع رجاله البيت دي الأصول وده الأحترام”.

واختتم حديثة قائلاً “طبعا لانك عارف إنك مرفوض رفضاً باتاً فعمرك ما هتعمل ده، لو معندكيش غير طريق الشمال اللي أنت سالكة من سنين مع بنات الناس.. أنا من رأيي كفاية عليك البطولة اللي اخدتها، والعربية المرسيدس الهدية.. وتركز في شغلك و تسيبنا في حالنا، لأن طول عمرنا في حالنا، ومحدش عارف عنا حاجة، وملوش لازمة جو الصورة والمعاكسات ده، وأنا مبخفش من تهديد حد”.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *